Urban Development & Poverty Alleviation Department chuan vawiin khan Zarkawt Community Hall-ah an hnuaia NLUP 3^rd & 4^th Phase beneficiary 624 te hnenah tanpuina last installment an sem a, Aizawl North-I bialtu MLA, Higher & Technical Education etc. Minister ni bawk Pu R. Romawia chuan he hun hi a hmanpui.

NLUP semna hun hmanpuitu Minister Pu R.Romawia chuan NLUP dawngtute chu an pawisa dawn te malsawmna a chantir ngei turin a chah a, dik tak leh rinawm taka an tih phawt chuan hlawhchhamin an awm dawnlo ani tih a sawi a ni.

Vawiin a NLUP tanpuina dawngtute hi Aizawl East-I, Aizawl North-I, Aizawl North-II, Aizawl North-III leh Aizawl West-I huam chhung ami te an ni a, beneficiary awm zat chu a hnuaia table ah hian tarlan a ni.

Vawiina tanpuina dawngtu te hi Automobile Repairing, Beauty Parlour, Electronic Repairing, Hair Cutting, Knitting, Leather & Hood Works, Shoe repairing leh Tailoring Trade thlangtu te an ni.

UD&PA Department hnuaiah hian NLUP Trade 10 a awm a, a chunga kan tarlan bakah Trade pahnih Desktop Publishing leh Photo & Videography a la awm a, UD&PA Department hian Aizawl khawpui huamchhung an enkawl a, 2^nd Phase beneficiary mi 1432 tan tanpuina sem zawh vek tawh a ni a, 3^rd & 4^th Phase ah hian beneficiary 1846 awmin Desktop Publishing leh Photo & Videography thlangtu beneficiary 627 te tanpuina pek fel tawh an ni a, vawiina Trade hrang hrang 8 beneficiary 624 te bakah hian Aizawl East-II, Aizawl South-I, Aizawl South-II, Aizawl West-II, Aizawl West-III cluster a beneficiary 595 te hnenah naktuk July ni 21, 2017 hian Thakthing Zawlbukah tanpuina sem chhunzawm leh ani ang.

NLUP tanpuina dawngtute hi Actual Payeee Receipt ah an hming ziah tir anih hnu ah an bank account ah an pawisa dawn tur te hi thun sak an ni.