Vawiin  chawhnu dar 3:30Pm khan District Bawrhsap Shri Bhupesh Chaudhary IAS chuan a Office Chamberah India rama chawimawi sang, mi tlawmngai leh mi huaisen te hnenah an hlan thin chawimawina dawngtu Master H. Beiduasa S/o H. Vabeily, Tisôpi khua hnenah he chawimawina in a kentel pawisafai hlanna hun a buatsaih chu hman a ni. He hun hi Pu Ngulzathuam, SDC chuan kaihruaiin, Shri Vikram Singh IPS, Superintendent of Police, Siaha District chuan Cheque hi a hlan a ni.

India ram chhungah chawimawina chi hrang hrang a tam hle a, chung zingah chuan mi tlawmngai leh mi huaisen te Chawimawina Award ‘Uttam Jeevan Raksha Padak’ hi India Sawrkar in Civil mi te hnena a pek thin a ni a. He chawimawina sang tak leh zahawm tak hi tuitla, kangmei leh thil laihchhuahna hmun a thih leh dam kar a mahni nun chan ngam khawp a midangte nunna chhanchhuak tur a beitute hnena hlan thin a ni.

Kumin 2019-ah pawh hian India ram President chuan India ram pum a hetiang Award dawng thei tur mi 15 a thlan chhuah zingah hian Master H. Beiduasa rual hian Mizoram State atangin Master Lalliansanga S/o P.L. Vanlalhruaia, Phullen leh Master Vanlalduhawma S/o Sakhawliana, Phullen te chu an tel ve a. He Award hian Tangkafai Rs.1,50,000 bakah Medal leh Citation a keng tel a ni.

Master H.Beiduasa (heng hun lai hian kum 14 mi lek a ni) hian Kum 2016 khan Naupang Kum 12 mi Dynabei S/o L.C. Va-u kum 7  chu Saberekakhuangkaih in lain Tlaklei leh bawlhhlawhin chhilh in Tuihawk chuan thui tak a lenthlak hnuin, kham sang tak a alen thlakpui mai tur chu va hmu in a nunna thapin kawr thuk takah chuan zuanglut in a va chhanchhuak ta a ni.

Attachment

  • Loading attachment...