Vawiin chawhma dar 11.00Am khan D.C's Conference Room-ah District Level Coordination Committee on Tobacco Control, Siaha District ten kum 2018 - 2019 chhunga an hmalaknate thlirhona leh an hmachhawp te sawi hona hun an hmang. He Review meeting hi Shri Bhupesh Chaudhary IAS, District Bawrhsap chuan a kaihruai a ni.

Anti Tobacco Squad, Siaha District ten kum kalta 2018-2019 chhunga an hmalakna hrang hrang report Pi S. Laltanpuii, Social Worker, DTCC chuan pe in, Siaha District-ah Awareness Programme hi vawi 146 zet lo buatsaih tawhin, School bikah hian vawi 89 an lo buatsaih tawh a, Church/Community base bikah vawi 57 lai an lo neih tawh bawk a ni.

Training pawh kum 2018-2019 chhungin vawi 10 lai buatsaih tawh niin, Anti Tobacco Squad Drive pawh tum 93 zet an lo neih tawh a ni. Zuk leh Hmuam sim duh an hnena inziak lut zawng zawng hi mi 329 niin, heng zing atang hian 18.9% lai in zuk leh hmuam hi an thlah/sim hlen tawh bawk. 

Legal Metrology Department te nen tangkawpin Anti Tobacco Squad drive pawh Siaha khawpui bikah vawi hnih neih tawhin, dan phalloh Foreign Product Cigarette chi hrang hrang 420 packets lai man niin, tualchhung rate a chhutin Rs. 1,26,030/- lai a ni.

Vawiin meeting chuan Anti Tobacco Squad chu thuam chak deuh nise tiin a rel a, Police Department atangin staff pahnih Member atan a ruat thar bawk a ni.