Tukin zing khan Vairengte Sub Division huamchhunga Faina hapta Vairengte Forest IB, Banglavengah SDO(C) Dr Arun T, IAS chuan a hawng.

Dr Arun T, IAS chuan hapta hawnna hun hmang tura kalkhawm te chungah lawmthu sawiin, Faina chuan hriselna a keng tel a, mahni in leh a chhehvel tihfai te, nitin inbual te, kuttin hleh that te, chaw ei dawn leh ei khama kut fai taka sil thin te hi faina hriselna thlentu a ni a ti.

Faina Hapta hawnna inkhawmah hian Khawtlang hruaitu NGO hrang hrang, Sorkar hnathawk hrang hrang, VC member hrang hrang leh Zirlai naupang thahnem tak an kal khawm a, hapta hawnna hman zawh hnu hian zirlai naupang te chu khawchhung hmun hrang hrang ah inthendarhin, khawlaia bawlhhlawh awm te an chhar fai a ni.

Tukin vek khan Faina hapta pualin Vairengte Sub Division chuan Mini Marathon race a buatsaih a, km 6 - IOC veng atanga Zalenveng kawn thleng tlan niin, mi 26 an tlan a ni. Mini Marathon race a pakhatna atanga pathumna thleng te hi lawmman siam sak an ni a, Faina hapta khar hunah lawmman hi sem a ni ang