Thawhtanni (17th October, 2016) chawhnu dar 3 khan Multipurpose Hall, Vairengte ah Global Hand Washing Day hman a ni a, he hunah hian zirlai kalkhawm te hnenah kutsilfai dan zirtir an ni.

Global Hand Washing Day hmanna inkhawm hi Vairengte II VCP Pu K.Lalchawimawia’n kaihhruaiin, he hunah hian SDO(C) Vairengte Dr Arun T IAS chuan Khawvel pum huap kut silna ni hman a nih dan leh a tangkaina te a sawi a ni. Tin, Dr C.Lalrinchhana MO, Vairengte CHC in Kut silfai dan te sawiin, Kut sil fai loh avanga natna mihring ten kan kai theih reng reng te a sawi a ni. Kut silfai dan a takin zirlaite hnenah a entir bawk a ni.

Global Hand Washing Day ah hian zirlai kalkhawm te chuan a huhovin kut silfaina an nei a. He hunah hian tualchhunga zirna in hrang hrang, Middle School, High School leh Higher Secondary School zirlai te an tel a, hei bakah han NGO thenkhat te an tel bawk a ni.