Mipui leh Lirthei khalhtu te tana alo awlsam zawk nan leh a felfai zawk nan vairengte a checkgate hrang hrang hmun hran hran a awm chungchang ngaituahin vawiin khan Bawrhsap Dr.Arun T IAS Kaihhruaina hnuaiah check gate kaihhnawih Department hrang hrang leh khawtlang hruaitute an tel.

Thutkhawm ah hian check gate te chu hmun hran hran a an awm avanga harsatna thlen dan chungchang te sawiho ani a, kawng awlsam zawk leh felfai zawk a awm beiseiin a hnuai ami ang hian thu rel a ni.

1) Transport leh Excise check gate te chu Police check gate hnaih lama awm tura rel niin hemi chungchangah hian Excise emaw Police emaw hnathawh tibuai lo zawng leh dipdal lo zawnga hmalak nise tia rel a ni.

2) FCS&CA reporting Office, Vety check gate, Trade & Commerce leh EF&CC gate te chu  Taxation Building ruahsan taka awm tura rel niin hei hi Department hrang hrang hnawthawh in dipdal lo leh tibuai lo thei ang bera hmalak chhunzawm tura rel a ni .

3) Rengtekawn a Transport check gate awm mek chu Sawrkar tana chhia tam zawk lakluh beisei in Bairabi ah sawn lailawk nise tia rel a ni bawk.

Heng a chunga thurel te hi a tul dana zirin Sawrkar hotu lian lama thlen tur a ni a, Sawrkar hmalakna kal mek leh dan leh dun dipdal zawnga kalpui ni lovin dan ina a phal china check leh khawn tur te chu a pangai a la check leh khawn  vek tur ani a, kalphung awlsam zawk leh felfai zawk beisei a hmalak na tur a ni a, insawn hun tur hi a ni bituk nghal a awm lova a hma thei ang bera insawn tura rel a ni. Heng thurel te hi thla khat chhung enchhin phawt tur niin harsatna awm thul ah a tul dana zirin ni 15 hnu ah pawh en nawn leh thei tura rel a ni a, check gate hrang hrangte siksawi an nih avanga harsatna tam zawk a thlen chuan a tul dana zirin thurel te khi ennawn leh tura rel bawk a ni.