Vawiin chawhma dar 11:30 khan Rs. 83.42 lakhs senga sak Vanchengpui RMSA Secondary School chu School Education Minister Pu H.Rohluna'n a hawng.

Pu H' Rohluna chuan vawiin hun ang ni chhinchhiah tlak hi kan thleng thei ang em tih leh engtikahnge kan thlen ang tia nghakhlel taka kan lo thlira kan lo ngaihtuah thin Vanchengpui RMSA Secondary School hawnna a taka kan thleng thei hi a lawmawm hle a ni' a ti a' Hetihrual hian he school hawng thei tura thawktu sorkar official te inpeknaah lawmawm a tih thu a sawi bawk. Pu Rohluna chuan school building tha tak leh Trained Teacher kan nei tawh a, zirna hi nasa lehzuala kan kalpuia tan kan lak ngai a tih thu sawiin resutrt tha tak nei turin zirlaite chu taima tak leh theihtawp chhuah turin a chah a, Sorkarin zirna hmasawnna atan theihtawpin hma a la mek zel a, kan zirtirtute leh zirlaite inpekna avangin tunhnaia HSLC leh HSSLC result chhuakahte pawh passed percentage a that ber kum a lo ni ta zel hi a lawmawm a tih thu Ieh tunhnaia science leh Mathematics subject bika hma kan sawn theih nan srAM nena tang tlangin science leh Mathematics zirna video clip siam a ni a, hei hi Disc-ah te siamin naupangten an chhawr tangkai theih turin siam a ni a, Youtube-ahte upload bawk a nih thu Minister chuan a tarlang bawk.

Pu Rohluna hian Vanchengpui Community Hall, MP & MLA Fund atanga sak chu a hawng tel bawk. school Education Minister hian Rs. 22 lakhs senga sak Govt. chhawrtui primary school building sak thar chu a hawng nghal bawk a, chhawrtui Govt. primary school building hi a awmna hmasa atanga hmun remchang leh Iaili zawkah sawnin school Building thar hi sak a ni ta a ni.