Kumin hian vantlang leh mipui rawngbawlna kawnga thawk tha, pawl emaw mimal hnenah  Bhagawan Mahaveer Foundation, Chennai chuan kum danga a tih thin angin hnathawk tha chawimawina  a pe chhuak leh dawn a. He Annual Mahaveer hi hmalakna huang  panga  - Non Violence and Vegiterianism, Education, Medicine, Community and Social Service leh Women Social Entrepreneur/ Achiever with Indian Values-ah te then hran  a ni a. Category tina lawmman hian chawimawina thuziak leh cheng Nuai Sawm zel a keng tel dawn a ni.

Nikum khan 22nd Mahaveer Awards chu Non-Violence-ah Federation of Indian Animal Protection Organisation, New Delhi, Education-ah Panchmahal Anusuchit Jati Education Trust, Gujarat, Medicine-ah Jeevodaya Hospice For Cancer Care, Tamil Nadu, Community & Social Service-ah Gramin Adiwas Samaj Vikas Sansthan, Madhya Pradesh leh Women Social Entrepreneur/ Achiever with Indian Values-ah Pi Shyamalatha Mohan Raj, New Delhi ten an dawng a ni.

Kumin chhunga Mipui Vantlang rawngbawlna kawnga hnathawkthaa kan hriat te leh dawng thei nia inngai te chuan website: www.bmfawards.org leh Pu K. Nanda Kishore, IAS(retd), Advisor, Bhagwan Mahaveer Foundation, 961, Siyat House, IV Floor, Poonamallee High Road, Chennai - 600084, Ph: 9600063767/044-42933363 ah te zawt chiang hmasa in a thehluh theih a ni. Rawtna/candidate  te hnathawh chungchang kimchang  taka tarlanna te hi July 31, 2019 thleng khian a thehluh theih dawn a. Award dawng thei tur thlanchhuah hna hi Chief Justice Of India hlui, Justice MN Venkatachaliah kaihhruaina hnuaiah neiha ni dawn a ni.