No.1841/2020-2021

Meetingah hian Mizoram sawrkarin lockdown 6.0 ni 30.6.2020 thleng a puan leh tâkin a nghawng tur te, Sawrkarin Inkaihhruaina a siam bawhzui dantur te, Inkaihhruaina thenkhat District leh Village Level Task Force kuta sawrkar-in a dah te kalpui dan tur te, Quarantine centres a awm mek te hun ni 14 atanga ni 21-a pawhsei anih tak avanga khunghran mek te tha zawka enkawl zui dan tur te sawiho ani.

Meetingah hian dawr hawn leh hawn loh hi mipui rilru-a inkharkhip boruak hril tu ber anih avangin Khawzawl town chhung bikah chuan essential commodities dawrte chu nitin zing dar 7:00 atanga chhun dar 12:00 thleng hawn nise, a bak chu khar nise, dawrte hi endik a awlsam nan VLTF ten mahni area theuhvah dawr hawng thei chin chhinchhiahna lo siam se an ti a. District chhunga Khaw lian deuh dangte chuan DLTF thurel zulzui in an mahni khaw tana him ber tura an ngaih in VLTF ten kalpui mai se an ti bawk. Thlai hnah leh thlai rah te chu VLTF te enpuina in mahni kawt kaiah zawrh phal nise an ti bawk.

Mi inphal ten DLTF ah tanpuina an pe zel a, Chhawrtui Village Organization ten nizan khan antam, maian, behlawi, tumbu, changkha hnah leh theihai te an rawn pe ani.

Tun dinhmunah Khawzawl District chhungah Covid 19 hrileng avanga Quarantine Centre leh Isolation Centre-a khunghran mi 199 an awm mek a ni.