3021/2023-2024

Aizawl, 13th December 2023: Mizoram Legislative Assembly vawi 9-na First Session-ah vawiin khan Governor Dr Hari Babu Kambhampati chuan thu a sawi a. Governor hian a sawrkarin Ministry thar hnuaiah Mizoram hmasawnna leh intodelhna atana hmalak dan tur tlang pui leh a hawi lam te a tarlang a ni.

Governor chuan thuhmahruai neiin tunhnaia General Election kan neih zawh tak, November 7, 2023-ah khan mipui tam tak an tel a, vote tla zat chu za zela 80.43 lai a ni tih a sawi a. Hei hian Mizoram mipuiten inthlan a hma aiin an ngaihven sawt a, an a rualawhna te hriatthiam pui thei ber tura ang ngaih, Sawrkar(Ministry) thlan kawngah an mawhphurhna pawimawh zia te an hre thar a, a lawmawm takzet a ni a ti.

Governor chuan MLA thlan tlin te lawmpuina leh duhsakna a hlan a; a bik takin, a vawi khatna atana thlan tlin member 23 te a lawmpui tih a sawi. State chhung hmun hrang hrang atanga hmeichhe MLA 3 thlan tlin chu Mizoram legislative history-ah a la awm ngai lo a nih thu a sawi a. Hei hi Mizorama hmeichhiate hlawhtlinna ropui tak a ni a. An hlawhtlinna hian state puma hmeichhiate tan phurna thar a pek ngei a rin thu a sawi bawk.

Inthlanna zalen leh felfai tak kan neih lehna kawngah, Governor chuan Sawrkar hnathawkte, a bikin dan leh thupek kengkawhtute inpekna te bakah NGO leh Kohhran leh mipuite thlawpna a ropui tih a sawi a. People’s Forum (MPF) in hna an thawk tha tih a sawi bawk.

Governor chuan he Inthlan result hian mipuiten system thar - ‘Kalphung Thar’ an duh a ni tih a tilang a, democracy kalphung inthlak danglamna kawngah kan mipuite rinna nghet tak a lantir tih a sawi bawk.

Governor Dr Hari Babu Kambhampati chuan kum nga chhunga a Sawrkar-in a ngaih pawimawh tur - kan mamawh zinga pawimawh zual paruk huam chhungah thapui thawhna tur kawng pasarih a awm tih a sawi:

- Sawrkar tha, inrelbawlna tha tak hnuaia mipui tana hnathawk, langtlang leh innghahna tlak siam

- Sector zawng zawngah hmasawnna ngelnghet siam tura hmalakna

- Industry sector lama tanlak

- Mitin ban phaka social security chhawp leh khua leh tuite mamawhna ang zawn zeal hmalak

- Thalaite tana hamthatna leh hmasawnna buatsaih

- Kan chhehvel min hualtu boruak, thing leh mau, leilung, nungcha etc.(Environment ) venhim leh humhalh

- Khuarei thlenga kan chhawr tur leh hlawkpui tur hmasawnna ruhrel din.

Governor Dr Hari Babu Kambhampati thusawi kimchang : dipr.mizoram.gov.in/post/honble-governor-of-mizoram-on-the-occasion-of-first-session-of-the-ninth-mizoram-legislative-assembly-at-assembly-house-aizawl-on-13th-december-2023