2313/2022-2023

Lunglei DC Pu Kulothungan A chuan a hnuaia tarlan angin thupek dated 10th October, 2022 a chhuah a ni.

Tun dinhmunah Mizoram hmun thenkhatah leh Lunglei District Veng/Khua thenkhatah African Swine Fever (ASF) avanga Vawk thi report a la awm zeuh zeuh avangin Lunglei District chhunga African Swine Fever (ASF) darh zel tur venna turin a hnuaia tarlan ang hian thupek chhuah a tul a.

Chuvangin kei, KULOTHUNGAN A,IAS, Distrct Magistrate,Lunglei District hian Sec.144 of Cr.P.C 1973-in thuneihna min pek angin a hnuaia tarlan ang hian thupek thar ka chhuah e.

1. State dang leh ram dang atangin Vawk,Vawksa leh Vawksa atanga siam eitur reng reng lakluh khap tlat a ni.

2. Vawk damlo reng reng talh leh hralh khap tlat a ni.

3. Vawk damlo chu dah hran vat tur a ni. Vawk thi reng reng thuk taka phum bo tur a ni.

4. Vawk damlo leh thi an awmin AH & Vety Official te hnenah hriattir vat tur a ni.

5. Hrileng darh zel loh nana Vawk suat duh ten district tin a AH & Vety Department ah dilna thehluh tur s ni.

Heng thupek hian Dt 10October,2022 atanga thu leh awm hma chu hman a nih atanga thla 2 (hnih) chhung a huam ang a. He thupek zawm lote chu Sec.188 I.P.C hmanga hrem theih an ni ang.

Thupek hi dt 10 October,2022 hian Court Seal chhu a nemnghetin ka hming ka ziak hnan e.