Dr. Lalzirmawia Chhangte, IAS, District Magistrate chuan A hnuai ami ang hian Serchhip district chhunga vawk lakluh khapna thupek a chhuah. District A.H & Vety Officer, A.H & Vety Department, Serchhip District hnen atanga lehkha kan hmuh angin tunlai hian Mizoramah vawk hri, Porcine Reproductive and Respiratory Syndrome (PRRS) leng ala reh lo nia rinhlelh a ni a. Hemi hrileng  avanga Serchhip District mipuite tan buaina/harsatna a thlen loh nan, Section 144 CrPC hmanga khapna thupek chhuah hi thil tul tak, tih loh theih lohah ka ngai a ni.

Chuvangin, Kei, Dr. LALZIRMAWIA CHHANGTE, IAS, District Magistrate, Serchhip  District hian Section 144 CrPC 1973 in thuneihna min pek angin, thenawm ram (neighbouring states/country) leh District dang atanga vawk leh vawksa atanga  hilsiam reng reng lakluh khap tlat ani tih thupek ka chhuah e.

He thupek hian thu leh awm hma chu puan a nih atanga thla hnih (2 months) chhung a huam ang. He thupek zawm lo chu Section 188 IPC dan hmangin hrem theih an ni ang. He thupek hian sawrkar atanga phalna neite a huam lovang.

He thupek hi vawiin Dt. 19th February, 2020 hian District Magistrate Seal chhu a nemnghetin ka hming ka ziah hnan e.