772/2023-2024

Aizawl, the 12th June 2023 : Green-Ag Project chuan an project hnuaia hmalakna peng pakhat "Curriculum Development Workshop on Livestock Management" chu Committee Room, Directorate of Agriculture, Aizawl-ah ni hnih chhung a an an huaihawt. He workshop hi Pu James Lalsiamliana, Director, Agriculture Department leh State Project Director, Green-Ag Project ni bawk chuan a hawng a ni.

He workshop-in a tum ber chu Dampa-Thorangtlang Landscape (Lunglei & Mamit District) a Green-Ag Project High Priority Villages 17-a chengten tun aia hlawk zawk leh tha zawka an vawk leh arte an enkawl leh vulh theih dan tur training module buatsaih a ni a. Tunlai thiamna tharlam hmanga ran vultuten ran enkawl leh vulhna lama tun aia hma an sawn theih nan he workshop kaltlang hian curriculum siam a ni ang a. He workshop ah hian training materials; Vawk leh Ar vulh leh enkawl chungchang materials-te hi siam zawh a nih rualin project khua ah te chuan hman tan nghal tura beisei a ni. Green-Ag Project hi Mizoram UN-FAO in a kalpui a, sum hi GEF atanga hmuh a ni.

He workshop-a mi thiam kal khawmte chu Agriculture Department official-te, Animal Husbandry & Veterinary official-te, KVK official-te, Lunglei leh Mamit district atanga rawn kal ran vulh lama tui mite leh CAU Vety College Professor te an ni a. New Delhi atanga lo kal, Dr. Hitesh Ram Kishore Awasthi, Animal Husbandry Specialist, NPMU, FAO-United Nations chu Resource Person a ni.