Nimin khan Mizoram State Consumer Union (MSCU) leh Aizawl City Vawksa Zuar Inzawmkhawm (ACVZIZK) te chuan Aizawla vawksa rate chungchang sawi hovin inremna an siam.

Inremna dan chuan vawksa kg 1 Rs. 280/- (cheng zahnih sawmriat) a ni ang a. Vawksa zuar ten hemi rate ang hian an hralh tur a ni ang a, dan bawhchhia chu hrem an ni ang, tiin MSCU atangin Acting Chairman leh G.S. ten an sign a. ACVZIZK hmingin Secretary leh Treasurer ten an sign bakah hriatpuitu atan Pu J. Hmingthanmawia, Director, Commerce & Industries; Pu C. Zasanga, Addl. Director, FCS & CA; Pu Remngaia, Dy. Controller, Legal Metrology bakah Local Council hotuten an sign bawk a ni.