4195/2024-2025

Aizawl, 11.02.2025: General Election to Village Council/ Local Council 2025 a Aizawl District chhunga duty tur Polling Party-te hnenah ballot box, ballot paper leh hmanraw dangte chu vawiin khan Dispatch Centre hrang hrang atangin pekchhuah (Dispatch) a ni a. Polling Party ten an inchinfel zawhah an duty na hmun tur theuh an pan nghal a ni.

Aizawl Local Council leh BDO Tlangnuam huamchhung VC inthlanna hmanraw hrang hrang te chu AMC Sports Complex, Bawngkawn atangin PRO leh RO te hnenah hlan a ni a. Hemi rual hian BDO Office Darlawn, BDO Office Thingsulthliah leh BDO Office Aibawk te atangin an BDO huamchhunga VC inthlanna neih tura hmanrua theuh te pekchhuah a ni bawk.

VC/LC inthlanna ah hian naktuk 12.02.2025 hian vote thlak a ni ang a. Zan dar 7:00 pm atangin vote tla hi chhiar nghal a ni ang.