Vawiin khan SEDP kalpuina atana ruahman, Veterinary, Fishery & Sericulture Board chu an chairman Dr. K. Beichhua pisa-ah an thukhawm.

Vawiin thutkhawmah hian AH & Veterinary Commissioner & Secretary Pu Lalthangpuia Sailo chuan July 9, 2019-a Chief Minister Pu Zoramthanga hova policy briefing an neih tuma hmachhawp hrang hrang an neih te tarlangin, Board ah hian Sericulture Department pawh telh belh a nih thu a sawi a. Board meeting chuan chak zawka hmalak a nih theih nan sub-committee pali- Finance & Policy Monitoring sub-committee, AH& Vety sub-committee, Fisheries sub-committee leh Sericulture sub-committee te a din nghal a, sub-committee ah hian chairman, co-chairman, secretary leh member te ruat nghal an ni a, an ni hian Department chhung atang mithiam member pali theuh an ruat belh thei ang.

Vawiin meeting chuan ei leh bara Mizoram intodelh theih nan theihtawp chhuaha hmalak an rel a, hemi atan hian Finance & Policy Monitoring sub-committee thar chu board kalphung tur leh hmalak chhoh dan turte felfai taka ruahmanna siam tura tih a ni.