Animal Husbandry & Veterinary Minister Dr K Beichhua chuan vawiin khan Selesih Artificial Insemination Training Institute ah Mizoram Veterinary Service Association Annual Conference vawi 36-na a hmanpui.

Dr K. Beichhua chuan Veterinary Service officer rual pungkhawmte hmaah fuihna thuchah sawiin, Vety Department-in Mizoram tan goal tam tak a thun theih nan an striker (Vety Minister) hi ball a tam thei ang ber an siamsak a pawimawh thu a sawi a. Mizoram sorkar hnuaia service hrang hrang te chu in mamawh tawn vek an nih bakah an hmun theuh ah an pawimawh vek tih sawiin, mahni service chhuanpui tham a hnathawh a pawimawh thu a sawi bawk. Minister chuan tun dinhmunah Mizoramin sa a mamawh za zelah 36 chauh Mizoramin a thawhchhuah chu za zela 50 tal a tihpun a nih theih nan theihtawp chhuah turin Vety Officer rualte a chah nghal a ni.

Khualzahawm AH & Veterinary Board Vice-Chairman Pu C. Lalmuanpuia, MLA pawhin thuchah sawiin, SEDP hnuaiah Vety Officer te chu thahnemngai taka thawk turin a ngen a ni.

MVSA Conference ah hian kum 2020-2021 hruaitu thar thlan a ni a, chungte chu :

President - Dr. C. Lalrintluanga
Vice President - Dr. Robert Rualthankhuma
Gen. Secretary - Dr. V. Lalzarzova
Secy i/c Organization - Dr. Ch. Lalthafamkima
Secy i/c Information & Publicity – Dr. Ngursailova
Secy i/c Finance – Dr. Esther Lalzoliani
Treasurer - Dr. M. Zohmingthangi