Jawahar Navodaya Vidyalaya (JNV), Thingdawl inrelbawl dan leh hmasawn zel dan tur sawihoin vawiin khan Vidyalaya Management Committee (VMC) chu Pu R. Lalremsanga, Addl. DC hovin a pisa-ah an thukhawm.

Vawiin meeting-ah hian JNV a lut thar turin Entrance Test 8th April, 2017 a neih a nih tur thu tarlan niin, hemi atan hian mi 597-in form an thehlut a ni. Eirawngbawlna Gas chungchanga harsatna tawh te, Main Gate - Mess Room leh Mess Room Hostel inkar kawng siam dan tur leh khelmual siam dan tur te sawiho pawimawh zual a ni.

JNV Thingdawl hian 2014 - 15 khan Class - XII-ah 65.85% pass percentage neiin, 2015 - 16-ah 92.30% an pass a ni.