2060/2025-2026

Aizawl, 3^rd November, 2025 : Mizoram sorkar chuan Vigilance Awareness Week 2025 chu 27^th October to 2^nd November 2025 chhungin a hmang a. Kumin atana Central Vigilance Commission  thupui thlan chu ‘Vigilance: Our Shared Responsibility’ a ni a. Vigilance Awareness Week pual hian Vigilance Department chuan ‘Vigilance: Our Shared Responsibility’ tih thupui hmang hian sorkar hnathawk te tan bik PowerPoint Presentation Competition a buatsaih a ni.

Vigilance Department chuan vawiin chawhnu khan Pu V.Lalsangliana IAS, Secretary, Vigilance Department Office Chamber-ah he competition a lawmman semna hun an hmang a. Secretary chuan hetiang hawi competition buatsaihna hmasa ber a nih thu a sawi a, participants te tan thil chhinchhiah tlak tak a ni tiin sawrkar hnathawk te tan hmasawnna pawimawh tak a nih thu a sawi. Participants zawng zawngte inbuatsaihna chu tha a tih thu leh a ngaihhlut thu a sawi bawk.

He competition a lawmman dawngtu te chu heng te hi an ni:

1. First Prize:  Lallawmkimi, FAO, Women & Child Development Department (Certificate + Cash Award Rs 5000)

2. Second Prize: JC Lalliansanga, LDC, Directorate of Nursing

(Certificate + Cash Award Rs 3000)

3. Third Prize : Kevin Remnalala, Assistant, UD&PA Department

(Certificate + Cash Award Rs 2000)

4. Consolation Prize : (Certificate + Rs 1000)

i) Flora Laltanpuii, Dy Director, Women & Child  Development Department

ii) David Laltanpuia, LDC ,  District Jail, Mamit

Pu V.Lalsangliana, IAS Secretary, Vigilance Department chuan lawmman latute chu a lawmpui thu sawiin Certificate leh Cash Award hi a hlan a ni.