2798/2026-2027

Aizawl, 23rd October, 2026: Vigilance Awareness Week, 2026 chu October ni 26 atanga November ni 1, 2026 chhung hian ram pum huapin, “Probity for Prosperity” tih thupui hmangin neih a ni dawn a. October ni 26, 2026 (Thawhtanni) chawhma dar 11:00 AM-ah Mizoram Sorkar hnuaia thawktu zawng zawngten intiamkamna Integrity Pledge an nei ang.

Administrative Head te, Department Head te, Deputy Commissioner-te leh District Headquarter tina Superintendent of Police-te chu an department officer leh staff te chu Central Vigilance Commission website www.cvc.gov.in kaltlanga Online Integrity Pledge lak tir turin hriattir an ni bawk.

MINECO-a Mizoram Secretariat officer leh staff-te chuan Mizoram Sorkar General Administration Department Principal Secretary kaihhruaiin Secretariat Building tualzawlah Integrity Pledge an nei ang.