Vawiin khan Rashtriya Gram Swaraj Abhiyan (RGSA) scheme hnuaia tualchhung inrelbawlna tihchak nana Village Council-te thuam chakna tur atan State Institute of Rural Development & Panchayati Raj (SIRD&PR) hmalaknain Aizawl South III Constituency Bialtu MLA Pu K.S. Thanga, Parliamentary Secretary, Finance, Law & Judicial, etc chuan a bial chhung khaw thlan bik Village Council (VC) 9 te hnenah Computer Set leh Printer pakhat theuh a sem.

Computer Set semna inkhawm tawi Pu KS Thanga pisa-ah neih a ni a. He hun hi SIRD & PR Director  chuan kaihruaiin Bialtu MLA Pu K.S. Thanga chuan a bial chhunga Village Council (VC) 9 lai hnenah Computer Set leh Printer pek a ni chu lawmawm a tih thu sawiin, khawtlang leh ram hmasawnna atana tangkai taka hmang ngei turin a chah a ni.

SIRD & PR Director Pi Maria C.T. Zuali pawhin thu sawiin RGSA scheme hnuaiah Village Council (VC) te tihchakna tur ruahmanna tha tak tak a awm thu leh tun tum a thawhkhatnaah hian Mizoram pumah Village Council (VC) 126 te hnenah Computer set leh Printer pakhat theuh pek phawt tur a nih thu a sawi bawk.