4120/2024-2025

Dated Hnahthial, the 6th February, 2025: Village Council Inthlanpui, 2025 lo awm tur atana inpuahchahna kal mekah vawiin khan Hnahthial DC Meeting Hall-ah, Hnahthial District chhunga Nodal Officers leh Sector Officers te chu District Election Officer leh Bawrhsap ni bawk, Pi Rita Lalnunmawii Pachuau kaihhruaiin an thukhawm a. Thutkhawmnaah hian inthlanpui lo awm tur atana inpuahchahna kalpui a nih tawh dan te bakah harsatna awm te sawi hona hun hman a ni.

Thutkhawmna kaihruaitu, District Election Officer chuan Hnahthial District-a Nodal officer-te hnen atangin VC inthlan lo awm tura an inpuahchah tawh dan te bakah an harsatna tawh te a ngaihthlak sak a. DEO chuan report dawn khawm atang chuan inpuahchahna te a felfai thawkhat viau tawh thu sawiin inthlan nana harsatna la awm te chu a rang thei ang bera chinfel a nih tur thu a sawi a ni.

Thutkhawmnaah hian Election Nodal Officers - Pu Zothanmawia Khiangte, Addl DC; Pu HD Lalpekmawia, Project Director, DRDO; Pi Esther Leihang, SDO (Sadar); Pu Hmingthanzuala, DUDO; Pu R. Vanlalruata, SDC; Addl SP aiawh, Pu Zonghinga, SDPO; Pu F. Lalrinfela, DIPRO; Pu Lalrempuia, Superintendent leh Pu John Hualhmingthanga, UDC te chu an tel a. Heng bakah hian Sector Officers - Dr. C. Sanghluna, DAH&VO, AH&Vety Dept; Pu George Lalnuntluanga, DFDO, Fisheries Department; Pu R. Lalngaihawma, Asst. Professor, Govt. Hnahthial College (GHC) leh Pu David Laltanpuia Hmar, Asst Professor, GHC te an tel a ni.