Vawiin khan SIRD & PR buatsaihin nithum(Dt 18th – 20th January 2017) awh tur Rasthriya Gram Swaraj Abhyan (RGSA) scheme hnuaia Village Council te tan Training on Gram Panchayat Development Plan (GPDP) Village Councils te tan neih tan a ni a. He training hi a rualin Aizawl, Champhai lehLunglei ah te neih a ni.
He training hi Aizawl ah chuan SIRD & PR Conference Hall, Durtlang Leitan ah neih a ni a, Course Director Dr.Margaret Lalbiakthangi, Senior Core Faculty leh Faculty dangten training an pe a. Reiek R.D Block leh Aibawk R.D Block hnuaia VC-te tan buatsaih a ni.
Lunglei ah chuan hmun hnih - BDO Conference Hall ah leh Sub Headquarter YMA Hall ah te neih an ni a, Course Director Dr.Lalhruaitluangi Sailo, Core Faculty (Vety), Lalchhandama Lailung, Core Faculty (IT) leh Faculty dangten training an kaihruai a. Lunglei R.D Block hnuaia VC-te, an vaiin mi 78 an tel a ni.
Champhai ah chuan I&PR Conference Hall, Chanem ah neih a ni a. Course Director Malsawmtluanga Fanai, Faculty (CD) leh Faculty dang ten training hi an kaihruai ve thung a. Champhai R.D Block hnuaia VC 33 te an tel thei a ni.
He training ah hian Village Council te chu tualchhung rorelna dik leh tha an kenkawh theih nan zirtirna pek an ni a. VC te thuneihna leh an mawhphurhna te, office kalphungte, rorel dante, vantlang inkhawm (gram sabha) pawimawhnate, sawrkar hnuaia scheme leh project hrang hrangte hrilhhriat leh inzirtirna pek an ni.
