Vawiin chawhma dar 11 khan National Health Mission (NHM) hnuaia Champhai District chhunga ASHA, Health Worker, VCPs, Sanitation & Nutrition Committee member te pualin training on VHSNC venglai community hall, champhai ah neih a ni. Training hi Senior Medical Officer Dr. R Lianmawia'n kaihruaiin, Dr. K. Lalbiakzuala, Mission Director, National Health Mission chuan khuallian ni in a hmanpui. Ni 2 awh tur Training ah hian mipui vantlang hrisel na hi mipuite ta leh a mawhphurtu an ni tih leh engtin nge kan khawtlang tun ai hian alo hrisel zawk ang tih in hrilh hriatna leh hma lak dan tur zir ho a ni.

Khuallian Dr. K. Lalbiakzuala, Mission Director, NHM chuan thu sawiin Khuallian Dr. K. Lalbiakzuala, Mission Director, NHM chuan thu sawiin Mitin hi Mihring hriselna atana thawk vek kan ni tih kan hriat a tul a, mitin hian hriselna kawng kan zawng vek a, miin engtin nge hriselna hi kan neih vek theih ang tih zawn hi NHM in a tum ber a ni a ti a.

Khawtlang leh ram a hrisel theihna tur chuan VHSNC te hian mawhphurhna sang tak an nei a, hriselna khawihpawi thei thil chi hrang hrang leh hriselna pawimawh zia kan khua leh veng mipuite hrilh hriat hi an mawhphurhna ani tih hrereng turin a chah a. An hna thawh rah seng tu tur chu sawrkar ni loin, anmahni vekin an thawhrah an tel dawn ani tih hriaa mahni bial chhung te hre chiang em em turin a chah bawk. VC te in elna hi hriselna kan ngaih pawimawh leh pawimawh lohah a in nghat a ni a ti a. VHSNC hi tha takin kalpui ila khawtlangin hriselna kawngah nasa takin kan chhawr dawna, a aia tha khawtlangin kan nei chuang lo a ti bawk. Village Health Sanitation & Nutrition Committee hi Village Council hnuaia Committee peng pakhat khawtlang huapa din a ni a, khawtlang a lo hrisel zawk nan sorkar hriatpui khua (revenue village) zawng zawngah din tur a ni. Mizoramah hian sorkar hriatpui khua 830 awm in heng khua ah te hian VHSNC din vek tawh a ni. Champhai District bikah Khaw 108 awmin heng zinga khaw 102 ah te VHSNC hi din ni tawhin tunah hian khaw 6 ah din tura hmalak mek ani a. ASHA 132 an awm mek bawk a ni.

Village Health Committee ah hian Member Secretary chu ASHA a ni ngei ngei tur a ni a, Mizoramah hian ASHA hi 1091 an awm mek a, mipui sangkhat zelah ASHA pakhat awm zel tur a tih a ni. ASHA chuan nu leh nausen thina tih tlem kawnga hma la ber tur pakhat a ni a, hemi atan hian home visit hi a nei thina, hriselna lama khawtlang mipuite in puahchah tir na kawnga hma la tu tur an ni bawk. Tun dinhmunah hian Mizoramah Infant Mortality Rate (Naupiang hlim thihna) hi kum dang aiin a tla hniam tawh hle a ni.