856/2022-2023
Aizawl, the 10th June 2022 : State Level Coordination Committee (SLCC) for Village Level Development Programme (VLDP) in may ni 19, 2022 a meeting a neiha a thurel angin, SIRD&PR hnuaia Village Development Committee nen a tangkawp in, Village Level Development Plan a duangchhuak a. He plan kalpuina tura hna hmasa ber tur- Entry Point Activity neih nan khua 6 thlanchhuah ni in, chung khua te chu: Ailawng, Chawngtlai, Leng, Lungdai, Sailam leh Sekhum te a an ni a. Vawiin khan Entry Point Activity hmasa ber Kick-Off Programme chu Sailam khua ah neih aiin hawnna inkhawm hi chu bialtu MLA Prof. F. Lalnunmawia in a hmanpui a ni.

Prof. F Lalnunmawia'n Sailam khaw mite hi rilru changkang tak nie ni a hriat thu sawiin Sawrkar ruahhman pui in he Village Level Development Programme hnuaia Entry Point Activity hawnna kan nei thei hi a lawmawm hle tiin a sawi a. Sailam khua chuan handloom lam an tuipui a hriat thu sawiin Mizoram mai nilo, ram pawna thawnchhuah export tham kan siamchhuah theih nan ngaihtuahna seng tlang ang ila tiin eizawnna tha tak a tling thei a ni,a ti. Thalai ten handloom ang kut hna tui taka an thawh chuan eizawnna a tling thei zel a, mahni in lum ngei a thawh theih, nisa leh fur pui ah pawh inchhung a thawh theih a ni, a chuvangin hei hemi kawnga theihtawp chhuah turin ka duh cheu ni, a ti a. Sailam khua chu Mizo puan dehchhuah kawng a Mizoram pum a hming lang khawp a thawk turin a fuih bawk a ni.

Dr. Lalrinchhana, Principal Adviser cum Adddl. Secretary, Planning & Programme Implementation Department chuan programme hi kaihruaiin, Pu Isak Lalmuanpuia Chuaungo, Economist-cum-Under Secretary, Planning & Programme Implementation Department chuan Village Level Development Programme chungchang a sawifiah a ni.

He Kick-Off programme ah hian Cheque inhlanna leh workshop neih zui nghal a ni a. Resource Person atan Pi Irene Lalnunpuii Chhangte hman a ni a. Sailam khua hian hmalakna atan handloom thlangin, Entry Point Activity atan hian Weaving Centre din a ni dawn a, din nan hian Rs. 10,00,000/- an dawng anga, hei hian puahtah zirna hmun leh puantah hmanga eizawnna tarn tak a siam beisei a ni.

VDC/GPPFT te hnathawh enpui tur hian Department hrang hrang ruat an ni a. Chawngtlai leh Sailam chu Entrepreneurship Development Centre (EDC) Planning & Programme Implementation Department in an enpui anga ; Ailawng chu Mizoram Science, Technology & Innovation Council (MISTIC) in an enpui anga leh Leng, Lungdai leh Sekhum te chu State Institute of Rural Development & Panchayati Raj (SIRD&PR) in an enpui ang. Mizoram Remote Sensing Application Centre (MIRSAC) in Khaw 6 atan GIS Monitoring a ti bawk dawn a ni.