Vawiin khan NEDP hnuaia Village Level Development Programme Steering Committee hmasa ber chu Planning Department Conference Hall-ah Dr. C. Vanlalramsanga, Planning Secretary leh Chairman, VLDP Steering Committee kaihhruaina hnuaiah neih a ni.

VLDP Steering Committee hian VLDP hnuaia hmalakna turin baseline survey neih nise tiin an rel a. Aizawl, Champhai leh Mamit District-ah te tlangdung thlanchhuah bik atan chak taka hmasawnna an neih theihna tur thlang a, master plan siamsak nise tiin an rel. District Level Steering Committee din dan tur an ruahman bawk.

VLDP hi UNDP nena tangkawpa hmalak tur a ni dawn a. Vawiin meeting-ah hian UNDP aiawhin hmalakna tur hrang hrang atan presentation thlirho a ni bawk.

Vawiin meeting-ah hian Champhai DC Pu Lalngaihsaka, Mamit DC Pi Lalbiaksangi, Aizawl DC aiawh te, Registrar Cooperative Societies Dr. Naveen Agarwall, Director Economics & Statistics Pu Lalchhuanawma leh line department hrang hrang Heads of Department leh an aiawhte an tel a ni.