MP Fund Rs. 1,00,000/- senga siam Volleyball Court, College Veng, Kolasib a mi chu vawiin khan bialtu MLA Pu PC Zoram Sangliana'n a hawng.

Bialtu MLA chuan khawtlang hruaitute thahnemngaihna avang leh sum hmuh ang ang te tha taka hman a nih avanga Volleyball Court tha tak hawn theih a a awm chu lawmawm a tih thu sawiin, volleyball thiam leh ram aiawh thei chherchhuahna hmun a nih ngei a beisei thu a sawi.

Volleyball Court hawn tak hi 24th August 2016 khan siam tan niin, 10th September, 2016 ah zawh a ni. Pu Ronald Sapa Tlau, MP Rajya Sabha in MP Fund atangin Rs.1,00,000/- a pe a, hei bakah hian sorkar Department lam atanga an sum hmuh nen belhkhawmin siam a ni.

MLA hian volleyball Court hawn taka buatsaih Kolasib District pum huap mipa leh hmeichhe Volleyball Tournament khar nghalin, lawmman a sem nghal bawk a ni.