572/2024-2025

Aizawl, 27.05.2024: Vawiin chawhnu khan DC Conference Hall ah DC Pi Nazuk Kumar, District Election Officer ni bawk hovin meeting neih a ni a. MP inthlanpui vote chhiar, June ni 4, 2024 neih tur atana thuthar lakhawmtute tana Aizawl District Media Centre ruahmanna sawiho a ni.

He meeting-ah hian Aizawl district chhunga counting centre pathum – DC Office, Assembly Annexe leh GAC, Sikulpuikawn ah Media Centre dah theuh a nih tur thu sawi a ni a. ECI in inkaihhruaina a lo duan tawh behchhana inthlan result a hma thei ang bera mipui hnena puanchhuah dan tur ruahmanna te sawiho a ni.

He meeting ah hian Addl DC, Election officer Pu Lalnunfela Pachuau, CAPF Nodal Officer, Nodal Officer & Asst. Nodal Officer i/c Counting Hall, Nodal Officer & Asst. Nodal Officer i/c Media, MJA President leh DDK, AIR, ZONET leh LPS aizawhte an tel a ni.