Aizawl District a MP Election 2014 a vote chhiar tura inbuatsaihna chu tluang takin kalpui zel a ni a. Vawiin hian Aizawl DC Pi Juhi Mukherjee, District Election Officer, Aizawl leh Returning Officer, 1-Mizoram (ST) Parliamentary Constituency ni bawk; Aizawl SP Pu Romil Baaniya leh Pi H. Lalchhandami, Election Officer, Aizawl te chuan Aizawl District a vote tla te chhiarna tur hmun Mizoram Legislative Assembly Annexe building chu an tlawh a, hemi atana inbuatsaih dan te an enfiah a ni.

Aizawl District ah hian Counting Hall 7 awmin, Counting Hall tinah hian Counting Tables 14 awm tura ruahman a ni. Heng Counting Hall ah hian EVM bakah Aizawl DC hi Parliamentary Constituency-a Returning Officer a nih angin Aizawl District bakah District dang zawng zawng a Postal Ballot pawh chhiar a ni ang.