Lai Autonomous District Council in 26th November, 2015 a General Election an neih turah State Election Commission chuan Mobile Phone hman chungchangah hetiang hian thupek a chhuah.

Inthlannaa thawktu tura sorkar-in a ruat Polling Officials hrang hrang Presiding officers te, candidates te, election leh polling agents te, vote thlak tur zawng zawngte chu vote thlakna hmun leh a huamchhungah mobile phone ken luh leh hman phal a ni lova. Silent Mode ah pawh dah phal a ni lo. Returning Officer te, Asst. Returning Officer, Observers, Counting Officials te leh Security lam mite rawh chu Mobile Phone hi kenluh sak an nih laiin silent mode ah an dah tur a ni.

Polling Station leh Counting Hall huamchhungah hian mi tumah in mei an zu tur a ni lova, Polling staff leh Counting staff te, candidate te,Polling Agents leh Counting Agents leh helai hmuna awmte reng reng chu meizuk khap tlat a ni.