Vawiin khan School Education Directorate Conference Hall-ah School Education Department officer-te tan ‘Working Conditions of Teachers in Mizoram’ tih chungchangah workshop neih a ni.

He workshop hi Pu R. Lalvena, I.A.S, Secretary, School Education in a kaihruai a. He workshop hi NUEPA, New Delhi, IASE, Mizoram leh School Education Department ten an huaihawt tawm a ni.

Professor Vimala Ramachandran, NUEPA in workshop neih chhan te leh a awmzia tlangpui a sawi hnuah, Mizoram School zirtirtute hnathawh dan zirchiangtu Team leader Prof. S. Horn Chaudhuri chuan ngaihnawm takin Mizoram chhunga zirtirtute hnathawh dan dinhmun (working conditions) chu slide hmangin a sawifiah a ni.

Sawi hona in a zui nghal a, sawiho naah hian zirtirtute dinhmun hrang hrang te, an harsatna leh an mamawh te, school (dinhmun) tha lehzual a hna an thawh theihna atan a an mamawh te, nu leh pa leh khawtlang nen a an in zawmna te chipchiar tak a sawi a ni a.

He hunah hian School Education Department , SCERT, SSA, RMSA officer te an tel tha hle a ni.

Pi Zochhuani, Mizoram State Study Team Member leh Associate Professor, IASE Aizawl in a tlangkawmin lawmthu a sawi bawk a ni.