3913/2022-2023

Aizawl the 21st March 2023 : Wildlife Institute of India leh Mizoram Environment, Forests & Climate Change Department tang kawpin an buatsaih Workshop on Illegal Wildlife Trade, Wildlife Forensic leh Handling of Confiscated Wildlife tih chu nimin March ni 20 atanga vawiin tlai thleng khan Chief Wildlife Warden Conference Hall, New Secretariat Complex Road-ah neih a ni. Nimin lama a hawnna inkhawm hi Pu RK Singh, PCCF, HoFF chuan hmanpuiin thu a sawi a. Tun hnaiah dan kalha nungcha hmanga sumdawnnain Mizoram a rawn tih buai ve tak fo thu leh tun tuma Wildlife Institute of India atanga mithiam lo kal ten Mizoram Forest Officer-te hetiang hun an rawn hmanpui thei lawmawm a tih thu leh Mizoram pumpui tan thil tha tak a nih ngei a beisei thu a sawi.

He Workshop hmanpuitu mi thiam te hi Dr Lallianpuii Kawlni, Scietist D leh Dr CP Sharma, Forensic Expert, Wildlife Institute of India, Dehra Dun atanga lo kal an ni a, anni pahnih leh Pu C Lalrinmuana, DCF, Lawngtlai leh Pu Lalnunngila DFO (Rtd) ten Mizoram Forest Officer mi 30 chuang kalkhawmte chu thupui thlan bik chi hrang hrang pasarih (7) an zirpui a, chu bakah wildlife crime chungchangah a theih ang angin a lem nen enpuiin chung zelin chiang takin zirtirna an pe a ni. He workshop tel officer hrang hrangte pawhin a theih chin chinah practical thei ang berin an zir hlawm.