“I ram leh hnam chhan turin rawn penc hhuak rawh” tih thupui hmangin I & PR Department leh Central YMA tangkawpte chuan naktuk 11.3.2016 dar 10:00 am atangin Lal Thanhawla Auditorium-ah Workshop on Khawtlang Nun siam that an buatsaih dawn.

He hun hmang tur hian Mizorama YMA branch tin atangin YMA hruaitu aiawhte sawm an niin sorkar mi pawimawhte leh NGO hrang hranga hruaitute an tel ang.

Mizoram Chief Minister Pu Lal Thanhawla chuan khuallian niin a hmanpui ang a. Dr. C. Vanlalramsanga IES, Secretary, Planning & Programme Implementation Department chu khual zahawm a ni ang a. Pi Lalnithangi MIS, Joint Director, I & PR in Keynote Address a sawi ang a. Pu Lalbiakzuala, President, CYMA in thu a sawi bawk ang.

He workshop hi nileng awh tur a ni a. Chawhnu lamah Pu Lal Thanzara, I & PR Minister chu khuallian a ni ang a. Pu Jim K. Chozah MIS, Director, I & PR; Pu Joseph Lalchhuana IPS, DIGP, CID; Pu Vanlalruata, Vice President, CYMA leh Pu Lalsawma Pachuau, Joint Director (F & D), Health Department ten khawtlang nun siamthatna atana zirtirna pawimawh an sawi ang.