636/2023-2024

Dated Aizawl The 31st May 2023: Vawiin khan MINECO Taxation Auditorium-ah SDG Coordination centre, Planning & Programme Implementation Department, Govt. of Mizoram bultumin Workshop on Localization of Sustainable Development Goals (SDGs) in Mizoram buatsaih a ni a. He hun hmang tur hian Pu S Suresh Kumar ,Statistical Adviser, Ministry of Doner, Pu Ashwani Kanujia, Joint Director MoSPI, Pu John Borgoyary, Regional Head, UNDP ,North East leh UNDP hotu dangte an lo kal a ni.

Pu Lalmalsawma Pachuau, Planning and Programme Implementation Department Secretary in kamkeuna leh lawmna thu a sawiin ‘Kan thiltih hian mipuite a thleng pha em tih leh an nunah eng ang takin nge nghawng a neih tih Kan chhut a pawimawh takmeuh a ni’ ,a ti a. He Sustainable Development Goals ti hlawhtling tur hian, SDG motto,'leave no one behind' chu kan hmatheh a mitin mai huapzo a hma Kan lak a ngai a ni a ti. Hemi kawngah hian sawrkar, corporations-te leh mipui te inkarah thawhhona tha a awm a pawimawh hle a ni, a ti bawk.

Pu John Borgoyary, Regional Head, UNDP North East chuan Mizoram sawrkar ina Localisation of SDG chungchanga hma a la chu a lawmawm hle a ni a ti a. Private companies thenkhat an CSR te SDG hlawhtlinnan a hman duh an awm nual a ,heng ho hi kan pawh luh thiam a pawimawh a ni,a ti a, chumi atana pawimawh CSR matchmaking Portal chungchang sawina hun a nei bawk.

Pu Suresh Kumar Adviser, Statistic MoDONER pawhin thu sawiin environment livelihood security kan neih theih nan thil pali ngaih pawimawh a tul hle a ni a ti a, chungte chu Village level sustainable livelihood security ngaihpawimawh te, sustainable social security te, ei leh bar a an intodelh theih nan Sustainable food security-te leh naupangte an thanlen nana an mamawh chaw puar khawp hmulo a an awm loh nan nutritional security-te Kan ngaihpawimawh a ngai a ni, a ti.

He workshop-ah hian Mizoram in SDG monitoring framework a lo nei tawh hrang hrang te zirchian niin, SDG kaihhnawih Line Department te leh Urban, local leh Village level aiawh kal te nen sawiho a ni. Private Companies ten mipui hamthat nan Project-te an fund theih na tur hmanrua CSR matchmaking Portal kalphung chu UNDP ten an sawifiah bawk.

Pi Rosangzuali Chawngthu, Senior Consultant SDGCC, Planning and Programme Implementation Department in report a pek dan in NITI Ayog in tehfung hrang hrang hmanga State tin te a tehna ah Mizoram chu SDG Performance-ah 12na niin Most Improved State a ni bawk a ni, a ti a, North East-ah phei chuan 2-na kan hauh mek a ni,a ti. Sustainable development chungchanga sawihona leh zawhna hun te hmang zuiin, Dr. Lalrinchhana, Principal Adviser , Planning and Programme Implementation Department-in lawmthu sawina neiin vawiin workshop hun chu a khar a ni.