Vawiin khan Aijal Club ah Land Revenue & Settlement Department bultum in NH 54 Road Widening (Aizawl to Tuipang) Preliminary Survey ennawnna leh Social Impact Assessment (SIA) chungchang bakah The Mizoram (Land Acquisition) Act, 2016 kalpui dan tur zirhona neih a ni. He Workshop ah hian National Highways and Infrastructure Development Corporation Limited (NHIDCL) leh State Institute of Rural Development (SIRD) lam hotuten rawn zirtir in Revenue Department Officer te leh Surveyor te bak ah he kawng zauh in a paltlang tur District Aizawl, Serchhip, Lunglei, Lawngtlai leh Saiha a Officer te mi 40 rual zet an tel bawk a ni.

NH 54 ( Aizawl to Tuipang) hi double lane a zauh tum a ni a, Preliminary Survey lo neih tawh chu tha taka kal pui zel a nih theih nan he Workshop hi buatsaih a ni. The Mizoram (Land Acquisition) Act, 2016 hnuaia Social Impact Assessment (SIA ) Study hian he kawng zauh tur avanga kawng hrang hranga mipui a nghawng theih dan tur leh mipuiin kan hlawkpui theih ber dan tur bakah he kawng zauh avanga a tuartu mipuiin compensation an phu tawk ang ngei an hmuh theih dan turte zirchianna a ni. He hun hi Pu Zothankhuma, IAS, Secretary, Revenue Department in a hmanpui a ni.