3089/2024-2025

19^th November, 2024: Antimicrobial resistance (AMR) hi natna hrik ten damdawi hnathawh tur thawk theilo tura an lo insiam danglam avanga natna enkawl dam harsa tak tak lo thleng thin hi a ni. Damdawi zinga kan hriat lar ber pawl antibiotic hi a hman dan kan la thiam tawk lo in a tangkaina ang pawh a kan hmang thiamlo leh, a chakna bo thak khawp a kan hmang fo thin hian pawi nasa tak a thlen mek zel a, Mizoram mai ni lovin khawvel pum in a buaipui em em ani. Kumtin he hapta tan hian thupui ne h thin niin kumin atan "Educate, Advocate, and Act Now,"tih a ni a, a mizo tawng chuan "Kaihhruaina mumal tak nena zirtirna pek liar a hun tawh" tih pawhin kan sawi thei awm e. Hemi bawhzuina atan hian Health Department pawhin zau thei ang bera zirtirna pek leh, antibiotic damdawi chungchanga kaihhruaina fel tak duan te, thawhpui department dang nen tang ho a, lungrual taka AMR do beihpui thlak hi a thupui ber a ni mek.

Zir chianna hrang hrang ten kan ramchhunga damlo enkawl te zinga multidrug-resistant (MDR) infections (antibiotics chi hrang hrang hman kual hnu pawha natna dam theilo) a pun belh nasat zia a tarlang chiang hle. Natna hrik tlanglawn tak tak heng: Escherichia coli, Klebsiella pneumoniae, leh Staphylococcus aureus te ngei pawh hi antibiotics pawimawh tak tak, third-generation cephalosporins leh carbapenems te pawhin an tihlum thei tawh lo hial a, chung avang chuan damlc enkawl dam alo harsa a, damdawi ina awm hun chhung pawt sei in, damlo enkawlna senso a tih hautak zual phah hle. Tin, kan ranvulh tlanglawn zual (bawng, vawk leh ar) ah pawh multidrug-resistant Escherichia coliXe a hluar in, Salmonella natna hrik ah te AMR hi a pung mek zel tih zirchianna in min hrilhfiah chiang hie bawk. 

AMR lo hluar zel hmachhawn tur hian India sorkar chuan 12^th five-year plan hnuaiah kum 2013 khan National Program on AMR Containment a kalpui a, Mizoram sorkar pawhin AMR do kawngah nasa taka hmalak tul a tiin, department hrang hrang aiawh hotu lian leh mithiam rual ten thawhho na tha tak hnuaiah hmalak dan tur ruahhmanna fel tak (State Action Plan) duangchhuak thuai thei turin hma ala mek bawk. Chuvangin vawiin ah hian kan mithiam rualte - Medical Doctor te, Veterinary Doctor te, vantlang hriselna lama thawktu zawng zawngte bakah mitin te AMR do kawnga penchhuak theuh turin ka sawm a che u. 

AMR do kawnga hmalak hi mitin mawhphurhna ani a, hemi kawnga kan hriattur pawimawh zual te chu:

• Mahni thu a antibiotic ei mai thin te, a awm remchang lo ei chhunzawm ve ngawt mai tehi resistance siamtu langsar ber te zinga mi anih avangin, doctor chawh hnuah chauh ei thin tur ani.
• Tin, antibiotic kan eiin course kim thlapin ei ngei tur ani.
• Khawsak phung thianghlim tak nei tura kut silfai thatte, ei leh in tur thianghlim taka sawngbawl hi AMR laka kan him nan a pawimawh hie bawk.
• Vaccine lak that hian hri lakah min vengin, antibiotics mamawh loin min siam thei.

Kumin a AMR hapta kan hman hian rah tha chhuahin, inlungrual leh awmze nei taka hmalak a hun tawh zia min hriatchhuah thar tir ngei se a duhawm hie. Surveillance (enzuina felfai) tha zawk, dan mumal zawk leh vantlang mipuiin hriatfiahna darhzau zawk kan neih theih phawt chuan Mizoram hian AMR dona kawngah hmasawnna neiin state dangte entawn leh tihhmuhtu kan ni thei ngei ang. Antibiotic kan hman danin mihringte leh ran hriselna baka kan chhehvel boruak thianghlimna kawnga nghawng a neih thui theihzia mi tarn zawkin kan lo hriatfiah chuan hmasawnna ropui tak ani ngei ang. Kan thupui-"Kaihhruaina mumal tak nena zirtirna pek uar a hun tawh" tih hi mitin ten ngaipawimawh in zawm theuh i turn ang u. Tichuan, kan zavai tana ram nuam leh hrisel zawk kan siam thei ngei ang.