802/2023-2024

Lunglei the 14th June 2023: Association For Voluntary Blood Donation Lunglei leh 20Bn, BSF Zotlang Lunglei te buatsaihin World Blood Donor Day 2023 pualin vawiin khan 20Bn BSF ten a thlawnin thisen an pe.

A thlawna thisen pekna hmun 20Bn BSF Camp Zotlanga inkhawm tawi neih hi Pu Lalrammuana Chawngthu Vice President AVBD, Lunglei in a kaihruaia 20Bn BSF Commandant Col. Neeraj Sharma chuan thu sawiin, AVBD Lunglei te bultuma an Sipai ten a thlawna thisen pek theihna remchang an mahni hmun ngeia buatsaih a ni chu lawmawm a tih thu a sawi. Col.Neeraj Sharma chuan thisen pek hi mihring hrisel pangngai tan a hlauhawm lo mai nilo in thisen kan pek hian midangte nunna kan chhanhim theih bakah a petu tan ngei pawh ?hatna tam tak a nei a ni tiin, thisen pek hian Stroke natna, lungphu chawl avanga thihna leh natna tam tak lakah kan taksa a veng thei a ni a ti. Pathianin taksa hrisel pangngai tak min pe in thisen pawh mi hrisel pangngai chuan kan mamawh aia tam kan neia chuvangin midangte tana malsawmna ni turin a thlawna thisen pek chu uar chhunzawm zel turin midangte pawh i zirtir zel ang u a ti.

Vawiina 20Bn BSF te puala a thlawna thisen pek buatsaihah hian mipa 25 leh hmeichhia 3,  an vaiin mi 28 ten thisen an pe a, Civil Hospital Lunglei Blood Bank a thawktuten kalchilhin thisen hi an laksak a ni.