Vawiin hian Mamit-ah World Blood Donor Day chu District Hospital Eye Building-ah hman a ni a, he hun hmanpuitu khuallian Pi Lalbiaksangi, District Bawrhsap Mamit chuan thu sawiin Thisen hlu tak petute avangin mitam takin damna an changa, a hlu hle a ni ati, thisen petute chu mite tana malsawmna ropui tak ni zel thei tura an hriselna vawng uluk tura a duhthu sawiin, thisen pek uar zel turin kal khawmte afuih bawk.

He hunah Dr Zothansangi Blood Bank Officer chuan report pein 1st April 2015- 31 March 2016 chhungin thisen units 400 (Mipa 312, Hmeichhia 88) dawn anih thu leh camp vawi 9 neih anih thu tarlangin voluntary blood donation hi 95.75% anih thu a tarlang bawk.

He hunah hian kum kalta chhunga thisen pawl leh Mimal thisen pe tam te hnenah chawimawina thilpek hlan ani. Pawla thisen pe tam te chu 1.Zawlnuam Bial TKP 52 Units 2. Hmunsam Bial KTP 42 units 3. Mamit College 30 units 4.Bazar Veng Branch KTP 21 units niin , mimala thisen pe tam chawimawite hi 1. Pu CL Zarliana (L) 4 unit 2. Pu R Lalthakima 4 units 3. Gerson laldingluaia 4 units 4. HD Lallawmkima 3 units te niin chawimawina thilpek hlan an ni.

He hun hi Pu Ronghakliana President AVBD chuan a kaihruai a, thisen petute atang leh District Medical Superintendent ten thusawina hun an nei bawk.