Vawiin khan D.C Conference Hall, Mamit ah World Consumer Rights Day chu urhsun taka hman a ni a.  Thupui ‘Consumer ten kan dikna i hria ang u’ tih a ni.

He programme hmanna inkhawm Pu Zoramthanga, Preisent, District Consumer Association kaihruai ah Khuallian Pu Rodney L. Ralte, IAS, District Bawrhsap chuan thu sawiin mipuite, Consumer te hian a hun tak leh dan ang taka thil kan hman theih dan kan hriat hi a pawimawh hle a ni, tiin chutiang atan chuan Central Sorkar pawhin dan mumal tak a siam a.  Dan ang taka kan chanvo humhalh tlat hi mipuite mawhphurhna a ni, a ti bawk.  Khuallian chuan Mizo te hi phun lungawi mai ching kan nihna hi a tha lo hle a ni tiin kan lungawi lohna te hi a thlenna tur dik taka thlen thin turin kalkhawm te a sawm a, kan thlen anga hma an lak loh chuan dan anga hrem theih an nih thu a sawi lang bawk a ni.

He Consumer Rights Day hmanna ah hian Pu M.S Dawngliana Hnamte, Asst.Professor, Mamit College chu Resource Person niin World Consumer Rights hi John F. Kennedy, U.S President in U.S Congress ah ni 15.3.1962 kuma Consumer te chanvo pali alo puanchhuah atanga intan anih thu leh kan thil leiah hian sum kan sen ang hu in thiltha kan lei tur a ni, a ti.  Consumer te chanvo chi hrang hrang danin a siam te kalkhawm te hi a hrilfiah a ni.

He Consumer Rights Day, 2012 hmanna ah hian District Consumer Association hruaitute, Chanchin thehdarh tute leh YMA Member thahnem tak an tel a ni.