Vawiin chawhnu dar 1:00 khan Lunglei Government College ah Green Mizoram Movement (GMM) leh Environment & Forest Department te buatsaih in World Environment Day 2012 “Green Economy : Does it include you” tih thupui hman a ni. Pu C.Zairemthanga, GMM, President Lunglei kaihhruaina in Pu Kawlhnuna, DFP chu khuallian hman a ni.

Khuallian chuan thusawiin khawvel pumpui mihringte nunna leh khawsakna tobul in nghahna lungphum leh a kila lung pawimawh tak chu ramngaw hi a ni a. Mihring te tan chuan pianni atanga thihni thlengin ramngaw hi thil hlu, a lova kan awm theih loh a ni a ti. Kan ramngaw te hi boruak tha min siamsak na khawvel an ni a, lei min humhim saktu leh leitha luangral zel tur min venhim sak tlat tu an nih thu a sawi. Ram chereu tuartu chu mihring te kan ni a, a dawt ah chuan nungcha te an ni a ti. Thing kung pakhat, nungchate leh mihring te tan a a hlut na hi chawh rualin 32 lakhs. vel a ni a. Kan nunna atana pawimawh ber chu boruak siamtu ramngaw a nih thu a sawi a. Environment humhalh hi mihring te mawhphurhna leh chanvo a nih thu a sawi bawk. Chuvangin mi ram in a an neih lo Bio Diversity hi i humhalh ang u. Ti chhetu nilovin siam tha tu nih i tum ang u a ti.

World Environment Day 2012 hmanna ah hian Pu Lalthansanga, President, MJA leh Pu C.Hmingliana, Principal, Lunglei Govt. College ten thu tha tak tak sawi na hun an nei.