748/2025-2026
Siaha the 5th June 2025: Vawiin chawhma khan DC Mini Conference Hall, Siaha-ah Addl DC Pu Abraham Beirazi Khithie kaihhruainain World Environment Day denchhanin Thingkung phun uar tura inzirtirna- ‘Ek Ped Maa Ke Naam 2.0’ campaign hawnna neih a ni a, Hemi rual hian District Level Plantation Committee din nghal a ni.

Addl DC Pu Abraham Beirazi Khithie chuan kalkhawmte chu lawmthu hrilhin World Environment Day denchhana Thingphun uar tura inzirtirna campaign hawn a ni chu a inrem hle a ti. Kumin World Environment Day thupui chu ‘Putting an end to plastic pollution’ a ni a, Department hrang hrang bakah tlawmngai pawl te, VC leh mipui vantlang thawhhona zarah Siaha district-ah plastic hman tihtawp tuma beihpui thlakna chuan nasa takin hma a sawn a, Thlatinin hmankhat daih sarang (Single use plastic) endikna neih thin a nih tih tarlangin Siaha chu hetiang kawngah District titha ber pawl a ni mek tih a sawi. Khawpui tih fai kawngah department leh khaw mipuite inpekna fakawm a ti a, chumi vang chauha Mizoram puma khawpui fai lawmman dawng thei a nih thu a sawi bawk. Kumin ruah sur chuan lei min a thlen nasa a, lei tawlh mai tur ven nana silpauline zarte pawh fimkhur taka buaipui chhunzawm a ngai a, reiloteah bawlhhlawha a chan mai loh nan tha taka senghawi a tul a tih thu a sawi bawk a ni.

Addl DPC, PU T Chatlua chuan Siaha District a Eco club chungchang report pein an hmalakna hrang hrang tarlanna a nei bawk. Report in a tarlan danin Siaha district a school 205 ah eco club a ding tawh a, Eco club dinlohna school 12 te chu private school vek niin hengah pawh hian din a nih thuai theih nan hmalak mek a ni a ti.

MADC a Deputy Conservator of Forest (DCF) Pu T Beihronga chuan thingtiak an neih zat report a pe a, Kar hmasa ruah sur nasa in Nursery a chim nasat avangin thingtiak a chhiat nual thu a tarlang a, amaherawhchu hemi campaign chhunga phun tur daih chu a awm theih tur tur report a pe bawk a ni.

‘Ek Ped Maa Ke Naam 2.0’ campaign, vawiina hawn tak hi September Ni 30, 2025 thleng awh tur a ni a, hemi chhung hian DEO hmalaknain Siaha district chhunga school tin ten thing tiak 70 theuh an phun dawn a ni. Vawiin meeting chuan he campaign hun chhunga hmalakna tur hrang hrang awmte chu Education Department hotuten a tul anga ruahmanna lo siama lo bawhzui turin an rel a ni.

District Level Plantation Committee-ah hian Deputy Commissioner chu Chairman a ni a, District Education Officer chu Member Secretary niin PD, DRDO, DFO, EE PHE, EE PWD, DLAO, DUDO leh SDEO te chu member an ni.