Vawiin khan AH& Vety Department , Mizoram State Vety Council leh Indian Veterinary Association huaihawtin World Veterinary Day 2017 Aijal Club-ah hman a ni a. He hunah hian AH & Vety Department Secretary Pu B. Lalthanliana chu Khuallian a ni a, kumin World Veterninary Day thupui “Antimicrobial Resistance – from Awareness to Action” zirho a  ni.

Khuallian Pu B. Lalthanliana chuan Mizorama mi tam zawk chu antibiotics mahni thu a inchawh leh  course dik taka ei loh pawizia hrethiamlo kan nih avangin, vawiina hetiang hun hman ani chu lawmawm atih thu a sawi a.  Antibiotics hman fimkhur chungchanga inzirtirna chu tun aia uar lehzual a tul a ni, a ti. Ran an hrisel loh chuan an bula cheng mihringte pawh a hrisel theih loh tiin mipui leh kan ran vulh te anlo hrisel zawk nan thahnemngai taka thawk turin AH& Vety Secretary chuan kalkhawmte a fuih bawk a ni.

He hunah hian Dr.Lalhriatpuii, Scientist ICAR, chuan thupui zirtirna hun a hmang a, ran vulh than chakna atana antibiotics pek chu a sa eitu mihringte tan a that loh thu a sawi a. Tun dinhmunah India ram chu antibiotics hmang nasa ram kan nih thu sawiin  antibiotics hman nasat ngailo tura mihring leh ran te hriselna enkawl uluk a tul zia a sawi bawk a ni.

World Veterinary Day program hi Dr. Jasper Rongura, Jt. Director, AH&Vety in  kaihruaiin thupui zirho leh sawiho na hun hman a ni a. Chawhnu lamah Indian Veterinary Association (Mizoram Chapter) General meeting leh hruaitu thlanna hun hman nghal a ni.

World Veterinary Day  hi April  ni 28 (zirtawpni) khan Mizoram District dang pasarih ah hman ani tawh bawk a ni.