3927/2022-2023

Aizawl, the 22nd March 2023: Vawiin khân Mizoram EIACP Hub, Mizoram Pollution Control Board leh Chite Veng Branch YMA Chhangte tangkawp chuan tûn kum World Water Day denchhenin Chite luia bawlhhlawh thenfaina hun an hmang a. Lui dunga bawlhhlawh chhar fai hna tan hmâ hian Chite Inpui, Chite-ah inkhâwmna tâwite neih niin World Water Day chungchâng bâkah khawvêl pum huap environment programme pawimawh tak LiFE (Lifestyle for Environment) chungchâng sawifiahna hun Pi B. Laldikzuali, I.T.O, Mizoram EIACP Hub, MPCB-in a hmang.

He hun hmang tura kal khawm Chite Veng Branch YMA Chhang member-te chu environment humhim kawnga ke pên tur leh Mizorama lui pawimawh tak Chite lui humhalh kawngah nasa thei ang bera hmâ la zêl turin a sawm bawk a ni.

He hunah hian EIACP Team leh YMA Chhang member 50 chuangin bawlhhlawh tawih thei lo thahnem tak Chite lui leh a kam vêl atangin an chhar fai a ni.

Tûn kum World Water Day hi 'Accelerating Change' tih thupui hmangin khawvêl hmun hrang hrangah hman a ni.