3893/2022-2023
Kolasib dated 18th March 2023: Vawiin khan Public Health Engineering, Kolasib WATSAN Division, District Urban Development Office leh Sub-Hqrs YMA, Kolasib țangkawp buatsaihin World Water Day 2023 pual a Kolasib khawchhung tui tlan, Tuichhuahen lui tih fai hnatlangpui kalpui a ni a. Kolasib khaw chhung YMA branch tin atangin member thawkchhuakin Tuichhuahen fintu lui kawr hrang hrang tih fai hnatlang neih a ni.

Er. H.Lalsiamliana, Sr.EE, PHED chuan hnatlang tur a kalkhawmte hma ah thusawiin bawlhhlawh siam tlem tur a khawsak inherrem thiam mi nih leh bawlhhlawh a hmun tak a paih ngai pawimawh mi nih chu changkanna a nih thu a sawi a. Tui chu kan nunna atana thil pawimawh berte zing ami a nih angin tui hna humhalh leh a vawn thianghlim chu khawtlang hrisel siamna a nih thu a tarlang bawk.

Pu Thomas D.Lalengliana, President, Sub-Hqrs YMA, Kolasib chuan YMA member-te chu khawtlang vawn fai kawngahte, tuihna humhalh leh bawlhhlawh mumal tak a sawngbawl kawngah midangte tan a entawntlak leh kaihhruaitu ni turin a chah a. Khawtlang nuam leh hrisel siam tur chuan fai leh thianghlimna kawngah hmasawnna thlen tir hmasak a țul thu a sawi bawk a ni.

Vawiin 'Save Tuichhuahen' hnatlangah hian Kolasib khawchhung YMA branch tin atangin member țhahnemtak an tel a, PHED, Kolasib, DUDO leh DIPRO ten an telpui bawk a ni.