India Deputy Prime Minister hlui Yashwantrao Chavan Pratishthan hriatrengna atan chawimawina siam, Yashwantrao Chavan National Award, 2017 dawng thei tur nia inhria emaw, hriat nei te tan September ni 9, 2017 ral hma in Under Secretary, Home Department hnenah recommendation/ nomination thehluh theih a ni.
Yashwantrao Chavan National Award hi ram inpumkhatna, 'national integration' lamah emaw, khawtlang nun leh ei leh bar hmasawnna 'social and economic development' atan thawhhlawk tak emaw, 'democratic values' hawi zawnga thawk tha tak te hnenah he chawimawina hi hlan a ni a. Kum 1994 atang khan he Award hi siam niin, pawisafai cheng nuai nga a keng tel a ni.
He Award hi India khua leh tui an nih phawt chuan hnam emaw, rinna emaw mipa/ hmeichhia an nihna emaw ah thliarhranna awm lovin a thlithlai tu Panel of Jury chuan dawng awm a a ruat hnenah a pe dawn a; award hi intawm (Joint Award) pawh a ni thei a, mitthi tawh tan pawh dawn theih a ni. Award hi mimal bakah Indian Act hnuaia association, institution leh organization in register tawh te pawhin an dawng thei a, midang recommendation tello a mahni a dilna thehluh (self-recommendation) erawh phal a nilo a ni.
