1892/2023-2024

Aizawl, 15th September 2023: Chhimtuipui Group YMA aiawhte chuan Raj Bhavan-ah Governor Dr. Hari Babu Kambhampati chu vawiin khan an hmu a. He hunah hian YMA hotute chuan Siahaah Kendriya Vidyalaya din a nih theih nan Governor chu hma lak sak turin an ngen a ni.

Governor Dr. Hari Babu Kambhampati chuan Chhimtuipui Group YMA ngenna te chu lo dawngsawngin hmun danga KV School din a nih thin dan te leh thil tul hmasa nia a hriat te a sawi a. Chhimtuipui Group YMA hotute ten an bial chhunga zirlai te hmakhua an thlirsak dan leh an thahnem ngaihna te chu fakawm a tih thu a sawi. Governor chuan Chhimtuipui Group YMA hotute chu KV School din an duhna te chiang taka ziakin Mizoram sawrkar hnuaia helam kaihhnawih khawih Department ah thehlut hmasa turin thurawn a lo pe a. A tul angin Central Sawrkarah pawh lo bawhzui sak a inhuam tih a sawi bawk.

Chhimtuipui Group YMA aiawh hian  Prof Chawngkhuma Chawngthu, President leh Pu R. Lalnghakliana, Secretary te chuan Governor hi an rawn hmu a ni.