Chhiahtlang Zotuithiang Branch YMA chuan kum 2013 YMA Day pualin an veng chhunga hmeithai Pi Lalchhawni kum 44, a fapa kum 13 mi nen chauha khawsa te in chu tun thla ni 12 khan thriatin an sa tha leh nghal a, vawiin YMA Day hian an zawh fel sak a ni. Pi Lalchhawni in sak that nan hian YMA chuan veng chhung in tinah vehbur an khawn a, thingzai, thingril leh pawisa te thawh khawmin a dung feet 27 leh a vang feet 12 in an saksak a, a chhuat lei ring chu cement concrete(PCC) in an chhunsak bawk a ni.
He in sak nan hian zotuithiang Branch YMA chuan tha 186 leh cheng 21,462 an seng a, bialtu MLA Pu K. Lianzuala chuan rangva bundle 4 leh cheng 3000 a pe bawk. Hei bakah hian DCSO leh khaw pawn lam atangin mi thahnemngai ten an pui bawk a ni.
Chhiahtlang Zotuithiang YMA Branch ah hian member 476 leh Life Member 8 an awm a, kumin YMA Day ah hian Pi Lalchhawni in mai bakah Pi Lalremruati leh Pi Lalnunnemi te in an thawm that sak bawk a, Pi Lalnunnemi in hi kumin favangah a puma sak thatsak leh ngei an tum bawk a ni.
