4421/2024-2025

Dated Aizawl: the 25 February 2025 : Zakapa Award Organising Committee-in a lo rel tawh angin, kumina Zakapa Award (remchan zawkna avanga March ni 11, 2025-a sem tur puala inbuatsaihna kal zelah vawiin khan Seminar cum Consultative Meeting on Zakapa Award chu I&PR Conference Hall, Lianchhiari Run, Treasury Square-ah neih a ni.

He hunah hian Seminar puala sawm bik te hnen atangin Zakapa Award kaihhnawiha thupui thlan chhuahte hmangin presentation ngaihnawm tak tak ngaihthlak ho a ni a. Dr. H. Laldinmawia, Mizo Department Pachhunga University College chuan, Mizo lal Zakapa hun lai leh tun huna Mizo Hmeichhiate dinhmun bihchhianna, "A retrospect study on the Protection of Women's Rights during Chieftainship era of ZAKAPA in comparison with today's Mizo Society" tih thupui hmangin presentation a pe a. Pu F. Vanlalrochana, Addl SP II, CID Special Branch leh Prof. Lalrindiki Ralte, Aizawl Theological College-te chuan "Hmeichhiate dikna chanvo, hmeichhia leh mipate intluktlanna leh Hmeichhiate dawm kan" ("For all women  and girls:  Rights.  Equality. Empowerment") tih thupui hmangin kalkhawmte hmaah hian presentation an pe ve bawk a ni.

Vawiina Seminar neih hi Pi R. Lalmuankimi, Dy. Director (Admin), WCD, chuan kaihruaiin kalkhawmte lo lawmna thu a sawi a. Pi Zoramthangi Chhangte, Director, WCD chuan hun kal dan tur tlangpui leh Zakapa Award chungchang sawizauna neiin, hei hi presentation leh sawihona hun bakah case study ten a chhunzawm nghal a. Pi Zonunpari Sailo, Joint Director, WCD chuan lawmthu sawiin Seminar hi a khar a ni.