Vawiin khan Mizoram State Tobacco Control Society chuan I&PR Auditorium ah ZAMZO Award vawi hnihna hlanna inkhawm a nei a. He hun hi Pu S. Laldingliana, Parliamentary Secretary in a hmanpui.

Pu S.Laldingliana chuan India hmarchhak ah zuk leh hmuam ah Mizoram hi a sang filawr a, hei hi a zahthlak a tih thu sawiin Mizote hi kan taksa tana tha lo thil lakah kan insum theih a hun tawh a ni a ti. Zuk leh hmuam ah fihlim theih tur chuan chhungkua, kohhran leh zirna In atangte in bul tan that a tul thu a sawi.

Pi Lal Riliani, President, Indian Society on Tobacco and Health ( Mizoram Chapter) pawhin thusawiin Mizoram State Tobacco Control Society hmalakna in rahtha tak a nei chu lawmawm tiin mitin ten an hmalakna te chu tawiawm zel turin a fuih.

ZAMZO Award, Aizawl District a latute chu : 1)Directorate of Industries ; 2)Superintendent of Police, Aizawl leh Govt. Mizo Higher Secondary School; 3)Directorate of Sports & Youth Services te an ni. Mizoram State Tobacco Control Society te hmalakna in Mizoram chhunga District 8 a puipunna hmun hrang hrang e.g. Government Office, Private Office, Hospital, School, College, Restaurant, Hotel etc. ah te hnathawh hun laiin meizuk khu a tam leh tam loh zirchianna hi 7th April, 2011 - 22nd July, 2011 chhung khan neih a ni.

Mizoram pum huap in hengte hi hmuhchhuah a ni :1)Hemi zirchianna atanga a lan dan chuan zirchianna hmun 105 zinga hmun 36 (34%) ah meizu an la awm ; 2)Heng hmun 36 te hian India dan Smoke Free Rules an bawhchhia a ni ; 3) Zirchianna-a a lan dan chuan inchhunga meizuk khu awm hian meizuk khu awm lo aiin boruak chhia a siam nasa hle tih hriat a ni ; 4) Zirchianna-a a lan dan chuan PM 2.5 Level hi WHO in a target Air Quality Guidelines ami aiin a let 3 in a sang zawk bawk a ni.