No113/2021-2022

Aizawl the 13th April, 2021 : Mizoram sorkar chuan lehkha No.B.13021/101/2020-DMR/Vol-III dt 9.4.2021 hmangin Covid-19 laka mipui him theihna tura inkaihhruaina hmangin thupek a chhuah a, Sorkar thupek bawhzuiin leh Covid-19 laka Lunglei District mipui an him theih nan Pu KULOTHUNGAN A, IAS, District Magistrate, Lunglei District chuan Sec.144 Cr.PC 1973 in thuneihna a pek angin a hnuaia mi ang hian thupek a chhuah.

Lunglei khawpui chhungah zan Dar 8:30 leh Zing dar 4:00 inkarah pawn chhuah khap tlat a ni a. He thupek hian Covid-19 kaihhnawih Duty te, phai atanga bungraw phur in unload, chhiat tawh thil, medical, emergency-a VLTF ten phalna an pek leh District Magistrate in phalna a pekte a huam lovang.

He thupek bawhchhetu chu Section 188 IPC hmangin hrem theih a ni ang.

He thupek hi tihdanglam a nih loh chuan chhuah a nih atanga thla hnih chhung a huam ang.

He khapna thupek in a huam ve loh te :-
1. Magistrate Duty
2. District Level Task Force on Covid-19 member-te
3. Village Level Task Force on Covid – 19 member, Duty na avanga chhuah ngaite
4. Police Duty, Fire & Emergency duty, Prison duty, Excise & Nsrcotics enforcement duty
5. Damdawi in-a hnathawk Doctor, Nurse leh thawktu dang duty ( Hospital duty) te.
6. Covid-19 kaihhnawiha team hrang hrang duty heng Covid Care Center duty, Contact tracing team, disinfection team
7. Disaster Management Officers and Staffs
8. DIPRO leh staff Official night duty te.
9. PHE leh P&E Department-a emergency leh night duty te.
10. Print and Electronic Media
11. Medical Emergency leh damlohna thil leh chhiat tawh thila veng danga kal ngai, an veng VLTF hriatpuina lehkha keng.
12 Para- Military Force Duty te
13. Essential Commodity phur lirthei-te
14. District Magistrate leh Sub-Divisional Magistrate-in phal na a pek te.